Equinor - Johan Sverdrup - subsealeveranse

Design av brønnhode

Beskrivelse

Krav til at innretningar skal utformast robust og enklast mogleg.

Begrunnelse

I samtalar og presentasjonssesjonar spurte vi etter kva vurderingar selskapet har gjort knytt til designlaster og utmattingsanalysar for brønnhode. Vassdjupet på Sverdrupfeltet er eit vassdjup som er særs kritisk med omsyn på brønnhodeutmatting. Då tilsynet vart gjennomført var rigg ikkje valt og ein har beslutta å gjere berekningar for utmatting med 500 dagar med BOP (utblåsingssikring) på brønnhode der ein vurderer det generiske lasthistogrammet for 300t BOP med 125m vassdjup. Krav til utmattingslevetid er nedfelt i NORSOK U001 (2015) i tillegg til Equinor sin prosjektdokumentasjon og styrande dokumentasjon: PM312-PMS-052-022 og TR3571.

I tilsynet vart vi fortalt at ein ut i frå dei parametrane ein opererer med i berekningane, ikkje greier å tilfredsstille krava til 500 dagar med BOP på brønnhode for gitt lasttilfelle. Desse berekningane var ikkje tilgjengelege for oss i tilsynet. Vi vart vidare fortalt at det er beslutta å legge til rette for å installere system for å redusere lastene på brønnhodet. Dette er å sjå på som ei meir operasjonell tilnærming framfor å designe brønnhodet for dei lastene ein har lagt til grunn. På tilsynstidspunktet kunne det ikkje leggast fram detaljerte analysar som viser korleis det aktuelle brønnhodet kjem ut i det gitte lasttilfellet og vi fekk heller ikkje noko detaljert informasjon om kva endringar i enkeltparametrar medfører og kva usikkerheiter ein opererer med i analysane.
Det vart understreka at ein vil gjere nye berekningar når ein har valt riggen som skal gjennomføre arbeidet i den første delen av prosjektet.

Hjemmel

• Innretningsforskriften § 10 - Anlegg, systemer og utstyr

  (sist endret: 01.01.2013)

• Innretningsforskriften § 11 - Laster, lastvirkninger og motstand

  (sist endret: 01.01.2015)