- Petroleumabearráigeahču ásaheapmi
- Petroleumabearráigeahču váldi ja ovddasvástádus
- Petroleumabearráigeahču doaimmat
- Bálddalastinortnet
- Bearráigeahču prinsihpat
Petroleumabearráigeahču ásaheapmi
Petroleumabearráigeahčču ásahuvvui 2004 ođđajagimánu 1.beaivvi iešheanalaš, stáhtalaš goziheaddji ásahussan. Ásahusas, mii lea Stavangeris, leat sullii 160 mielbargi. Petroleumabearráigeahčču lea Bargo- ja searvadahttindepartemeanta vuollásaš mas lea ovddasvástádus gozihit petroleumadoaimma dorvvolašvuođa, gearggusvuođa ja bargobirrasa. Dát ovddasvástádus sirdojuvvui Oljodirektoráhttas dalle go petroleumabearráigeahčču ásahuvvui.
Seammás viiddiduvvui váldi ja ovddasvástádus nu ahte maiddái fátmmastii dorvvolašvuođa, gearggusvuođa ja bargobirrasa petroleumarusttegiin ja gullevaš bohcciin Muolkkuin, Tjeldbergoddenis, Nyhamnas, Kollsnesas, Mongstadas, Sturas, Kårstøas, Slagentangenis ja vejolaš boahttevaš integrerejuvvon petroleumarusttegiin.
Petroleumabearráigeahču ovddasvástádussuorgi
Petroleumabearráigeahčus lea ovddasvástádus gozihit teknihka ja doaimma dorvvolašvuođa – ja gearggusvuođa, ja bargobirrasa buot doaimma dásiin; nugo plánemis, prošekteremis, huksemis, rusttega geavaheamis ja maŋŋil vejolaš heaittiheamis.
Bargo- ja searvadahttindepartemeanta lea sirddihan válddi petroleumabearráigehččui mearridit dárkilat láhkaásahusaid doaimma dorvvolašvuhtii ja bargobirrasii, ja ovttaskasáššiid mearridit go lea sáhka lobiin dahje miehtamin, gohččosiin, bággosáhkuin, doaimma bisseheames, gildosiin, spiehkastagain jna.
Petroleumabearráigeahču doaimmat
Ráđđehus lea mearridan čuovvovaš doaimmaid Petroleumabearráigehččui:
Petroleumabearráigeahčču galgá ieš ja ovttasráđiid eará eiseválddiiguin gozihit DBD-suorggi ja sihkkarastit ahte petroleumadoaibma ja dasa gullevaš doaimmat, čuvvojuvvojit oppalaččat.
Viidáset galgá Petroleumabearráigeahčču addit dieđuid ja ráđi doaimma oasálaččaide, oaččuhit heivvolaš ovttasbarggu eará DBD-eiseválddiiguin riika ja riikkaidgaskasaš dásis ja maiddái aktiivvalaččat váikkuhit ahte gelbbolašvuohta dearvvašvuođa-, birrasa- ja dorvvolašvuođasuorggis muđui servodagas seailluhuvvo.
Petroleumabearráigeahčču galgá ovddidit cealkámušaid alit váldi departementii áššiin maid departemeanta gieđahallá ja veahkehit departemeanta go dan dárbaša.
Bálddalastindoaibma
Ráđđehus lea cealkán ahte Petroleumabearráigeahčču galgá leat okta golmma nana bálddalastinbirrasiin ealáhuslaš- ja servodatlaš DBD-bearráigeahčus. Bálddalastindoibmii gullá njuolggadusaid ráhkadeames ja gozihit ahte njuolggadusat čuvvojuvvojit. Ortnet mearkkaša joatkit, ovdánahttit ja viiddidit guovddáš bearráigeahččanortnega prinsihpaid mat álggahuvvojedje 1985.
Ortnet fátmmasta Petroleumabearráigeahču bálddalastindoaimma eará eiseválddit ektui geain lea iešheanalaš ovddasvástádus DBD-suorggis. Dát guoská Stáhta Nuoskidanbearráigehččui, Stáhta dearvvašvuođabearráigehččui ja Stáhta Suonjardanbearráigehččui daid doaimmaid ektui mat bohkanrusttegiin ábis dáhpáhuvvet. Nannánrusttegiin de leat velá Riddodirektoráhtta ja Ealáhusaid dorvvolašvuođa organisašuvdna lassin namuhuvvon eiseválddiide. Viidáset galgá ásahuvvot heivvolaš ovttasbargu gaskal suohkanlaš ja fylkkasuohkanlaš eiseválddiid.
Muđui ortnet ii mearkkaš makkárge rievdadusaid ovttaskas ásahusaid formálalaš mearridangelbbolašvuhtii mii čuovvu gustojeaddji lágaid ja mearrádusaid válddesirdima oktavuođas.
Ovttasbargošiehtadusaid bokte eará almmolaš ásahusaiguin, buorida Petroleumabearráigeahčču iežas gelbbolašvuođa áššedovdi vehkiin daid fágabirrasiin geain lea earenoamáš gelbbolašvuohta doaimma iešguđet surggiin.
Bearráigeahču prinsihpat
Oppalaččat lea Petroleumabearráigeahču doaibma heivehuvvon dasa ahte galgá gozihit ahte petroleumadoaibma jođihuvvo dohkálaččat dearvvašvuođa, birrasa ja dorvvolašvuođa ektui. Departemeanta lea mearridan čuovvovačča movt Petroleumabearráigeahčču galgá doaimmahit bargguid:
- Čuovvoleapmi galgá leat vuogádat- ja njuolggadusgohccevaš ja riskadárkkisteaddjin.
- Čuovvoleapmi galgá leat lasáhussan, iige dan čuovvoleami sadjái máid ealáhus ieš galgá čađahit.
- Petroleumabearráigeahču allariska-/teknologiija bearráigeahčči ja bargobearráigeahčči rollaid gaskkas galgá leat vuogas dássádat.
- Searvan ja guimmešvuođa ovttasbargu leat dehálaš eavttut ja prinsihpat Petroleumabearráigeahču doaimmas.
